रोह्यात  राजभाषा दिनानिमित्त "निवडक कुसुमाग्रज" हा कार्यक्रम संपन्न

 रोहा (राजेश हजारे)कोकण मराठी साहित्य परिषद शाखा रोहा व भाटे सार्वजनिक वाचनालय यांच्या संयुक्त विद्यमाने रविवार दि. २७ फेब्रुवारी 2022 रोजी मराठी राजभाषा दिनानिमित्त "निवडक कुसुमाग्रज" या कार्यक्रमाचे आयोजन भाटे वाचनालय रोहा येथे करण्यात आले.रायगड भुषण श्री सुखद राणे व भाटे सार्वजनिक वाचनालय अध्यक्ष श्री . किशोर तावडे यांच्या मार्गदर्शन व प्रेरणेतून या कार्यक्रमाचे आयोजन करण्यात आल्याचे सौ . संध्या दिवकर यांनी सांगितले .

को.म. सा. प.शाखा रोहाच्या नवनिर्वाचित अध्यक्षा सौ संध्या दिवकर यांनी प्रास्ताविकात कुसुमाग्रजांचे साहित्य आपल्याला जगण्यास शिकवते, प्रेरणा देते असे सांगितले . श्री बाबाजी धोत्रे, श्री विजय दिवकर, श्री सुधीर क्षिरसागर , सौ . वृशाली देशमुख ,सौ वर्षाराणी मुंगसे , श्री घागसर सौ . सुप्रिया क्षिरसागर , कु .निकीता बोथरे कु . वृद्धी भगत कु . स्वराज दिवकर . यांनी कुसुमाग्रजांचे निवडक लेख व कविता सादर करून रसिकांची मने जिंकली .श्री किशोर तावडे , अध्यक्ष, भाटे सार्वजनिक वाचनालय रोहे .यांनी आपले मनोगत मांडले.

या कार्यक्रमासाठी मा श्री मकरंद बारटक्के, रायगड जिल्हा मराठी भाषा समिती सदस्य यांची प्रमुख उपस्थिती लाभली . कुसुमाग्रजांच्या साहित्याविषयी बोलताना ते म्हणाले की नटसम्राट सारख्या एखादया नाटकातील एक जरी संवाद ऐकला तरी आपला आपल्या जीवनाकडे बघण्याचा दृष्टीकोन बदलून जातो . ध्येय श्रेष्ठ असेल तर तो मनुष्य आपल्या ध्येयाने श्रेष्ठ होतो . आपल्या संकल्पाप्रती आपली आत्मियता हवी . उत्तम साहित्य आपल्याला संस्कारीत करतात . चांगले साहित्य वाचले तर येणारी पिढी नक्कीच संस्कारीत होईल असा विश्वास त त्यांनी आपल्या अध्यक्षीय भाषणात व्यक्त केला .या कार्यक्रमास पत्रकार श्री . सचीन साळुंके व श्री हजारे उपस्थित होते .

या कार्यकमासाठी श्री . किशोर तावडे श्री . सुखद राणे , सौ संध्या दिवकर,श्री कुलकर्णी ,श्री . विजय दिवकर यांनी विशेष मेहनत घेतली . सुत्रसंचालन श्री नारायण पानवकर व कु निकीता बोथरे यांनी केले.आभार श्री सुधीर क्षीरसागर यांनी मानले .